काठमाडौं – धनगढी उपमहानगरपालिकाका नगर प्रमुख गोपाल हमालकी छोरी ३० वर्षीया आरती भारतको गोवाबाट सम्पर्कविहीन भएकी छन् ।
नगर प्रमुख हमालले मंगलबार सामाजिक सञ्जाल फेसबुक मार्फत छोरी सम्पर्कविहीन भएको जानकारी सार्वजनिक गरेका हुन् ।
पारिवारिक स्रोतका अनुसार उनी डेढ महिनाअघि ओशो ध्यान शिविरमा सहभागी हुन गोवा गएकी थिइन् ।
ओशोका विभिन्न तपोवनहरुमा आवतजावत गरिरहने आरती गोवामा रहेका बेला दुई दिनदेखि सम्पर्कविहीन भएपछि खोजी कार्यका लागि नगर प्रमुख हमालले सार्वजनिक अपिल गरेका छन् ।
