काठमाडौं – नेकपा एमालेले मधेस प्रदेश सचिवालयले प्रदेशका १० जना नेतालाई कारबाही गरेको छ ।
पार्टी हितविपरीतको काम र गतिविधि गरेको भन्दै एमाले मधेस प्रदेश समितिको सचिवालय बैठकले उनीहरुमाथि कारबाही गर्ने निर्णय गरेको हो ।
एमालेले रौतहटको मौलापुर नगरपालिकाकी मेयर रिना साहलाई पार्टीको साधारण सदस्यसमेत नरहने गरी कारबाही गरेको छ भने पार्टीको प्रदेश समितिका उपाध्यक्ष रेवती पन्तसहित अन्यलाई ३ महिनाका लागि निलम्बन गरेको छ ।
आम जनता पार्टीका अध्यक्ष प्रभु साहकी पत्नीसमेत रहेकी मेयर रिना साहको मेयर पद खारेजीका लागि समेत केन्द्रीय समितिलाई सिफारिस गरिएको एमाले मधेस प्रदेश समितिको सचिवालयले जनाएको छ ।
