काठमाडौं – नेपालका लागि भारतका राजदूत विनयमोहन क्वात्रालाई विदेश सचिवको जिम्मेवारी दिइएको छ ।

फ्रान्सको राजदूत समेत भइसकेका क्वात्रालाई सोमबार भारत सरकारले विदेश सचिव नियुक्त गरेको हो।

उनले भारतको कूटनीतिक सेवामा ३२ वर्ष बिताएका छन्। उनले भारतका प्रधानमन्त्रीको कार्यालयमा सहसचिव भएर पनि काम गरिसकेका छन्।

भारतका अहिलेका विदेश सचिव हर्षवर्द्धन शृंगलाले अवकास पाउने भएपछि क्वात्राले यो जिम्मेवारी पाएका हुन्।